
कुराकानी । तीनकुनेको भवनमा लागेको आगोमा जलेर एक जना पत्रकारको मृत्यु भएको छ । सो भवनको छतमा चढेर टेलिभिजनका लागि दृष्य खिचिरहेका सुरेश रजकको मृत्यु भएको हो ।
राजावादीहरुले तीनकुनेमा गरेको प्रदर्शनमा प्रहरीसँग झडप भएपछि एक भवनमा आगजनी भएको थियो । सो घटनालगत्तै रजक सम्पर्कविहीन भएका थिए ।
एभिन्युज टेलिभिजनका सम्पादक शिव दाहालका अनुसार रिपोर्टिङमा गएको साथी सम्पर्कविहीन भएका हुन् ।
एभिन्युज टेलिभिजनका अर्का एक पत्रकारले सो घरभित्र आफ्नो साथी भएको जानकारी प्रहरीलाई दिँदादिँदै पनि उद्धार नभएको उनको भनाई छ ।
घटनास्थलमा एभिन्युज टेलिभिजनका अध्यक्ष भाष्करराज राजकर्णिकार पुगेका छन् ।
यसैगरी
महाराजगञ्जस्थित त्रिवि शिक्षण अस्पतालमा एक युवकको मृत्यु भएको छ । शुक्रबार दिउँसो भएको राजावादीहरूको प्रदर्शनमा घाइते भएका कीर्तिपुरका २९ वर्षीय सविन महर्जनको उपचारका क्रममा मृत्यु भएको गृह मन्त्रालयका सहसचिव छवि रिजालले जानकारी दिए ।
राजधानी काठमाडौंमा हिंसात्मक रूप लिँदै गएको राजावादी आन्दोलन कर्फ्यूमा परिणत भएको हाे। जिल्ला प्रशासन कार्यालयले शान्तिनगर पुलदेखि मनोहरा खोला पुलसम्म राति १० बजेसम्मका लागि कर्फ्यू लगाएको छ।
थप जानकारी
काठमाडौंमा राजावादी आन्दोलन उग्र, १ जनाकाे मृत्यु - Kurakanee - Nepal's First Tabloid News Portal