कुराकानी। फिफा विश्वकप २०२६ (FIFA World Cup 2026) को औपचारिक सुरुवातसँगै खेलमैदानमा फुटबलको जादु मात्र चलेको छैन, सांगीतिक मञ्चमा पनि एउटा अभूतपूर्व रौनकता छाएको छ। फुटबल र संगीतको सम्बन्ध सधैँ विशेष रहने गर्छ, तर जब मञ्चमा कोलम्बियाली सुपरस्टार शकिरा (Shakira) को आगमन हुन्छ, तब त्यो उत्सवको रौनक छुट्टै उचाइमा पुग्छ। यस पटकको महाकुम्भमा पनि सबैभन्दा बढी चर्चा र आकर्षणको केन्द्रमा उनै शकिरा छिन्।

मेक्सिको सिटीमा आयोजित भव्य उद्घाटन समारोहमा नाइजेरियन अफ्रोबिट्स स्टार बर्न ब्वाई (Burna Boy) सँग मिलेर उनले नयाँ आधिकारिक गीत “Dai Dai” मार्फत दिएको लाइभ प्रस्तुतिले रंगशालामा उपस्थित लाखौँ र टेलिभिजन स्क्रिनमा हेरिरहेका विश्वभरका अर्बौँ दर्शकलाई जुरुक्कै उठायो। लगातार चारवटा फरक फिफा विश्वकपमा आफ्नो जादुमयी आवाज र अद्वितीय नृत्य कला प्रस्तुत गरिसकेकी शकिरालाई फ्यान र समीक्षकहरूले त्यसै “Queen of Anthems” वा “World Cup Queen” भनेका होइनन्।

फिफा विश्वकपमा शकिराको ऐतिहासिक सांगीतिक यात्रा
शकिरा केवल एक पप स्टार मात्र होइनन्, उनी फिफा विश्वकपको सांगीतिक पहिचान (Music Identity) बनिसकेकी छिन्। सन् २००६ देखि सुरु भएको उनको यो यात्राले हरेक संस्करणमा लाखौँ दर्शकलाई भावनात्मक रूपमा जोड्ने काम गरेको छ। विगत दुई दशकमा विश्वकपमा उनको योगदानलाई यसरी वर्गीकरण गर्न सकिन्छ:

• Hips Don’t Lie (२००६ – जर्मनी विश्वकप)
  सन् २००६ मा जर्मनीमा आयोजित विश्वकपको समापन समारोहमा शाकिराले आफ्नो चर्चित गीत “Hips Don’t Lie” को विशेष विश्वकप संस्करण प्रस्तुत गरेकी थिइन्।

यो प्रस्तुतिले विश्वकपको इतिहासमा शकिराको पहिलो ठूलो र गज्जबको प्रभाव छाड्यो। यस गीतको विश्वव्यापी सफलताले उनलाई एउटा ग्लोबल आइकनको रूपमा स्थापित गर्न जग बसाल्यो।

• Waka Waka – (२०१० – दक्षिण अफ्रिका विश्वकप)
  दक्षिण अफ्रिकामा आयोजित २०१० को विश्वकप शकिराको करियर र विश्वकप इतिहासकै सबैभन्दा महत्त्वपूर्ण मोड बन्यो। दक्षिण अफ्रिकी ब्यान्ड Freshlyground सँगको सहकार्यमा तयार पारिएको यो गीत फिफा विश्वकप २०१० को आधिकारिक गीत थियो।

यो गीत विश्वकप इतिहासकै सबैभन्दा लोकप्रिय र सफल एन्थम बन्न सफल भयो। डिजिटल प्लेटफर्म युट्युबमा मात्रै यसको भिडियोले ४ अर्ब भन्दा बढी भ्युज कमाइसकेको छ।

रिलिज भएको डेढ दशक बितिसक्दा पनि यो गीत आज पनि विश्वकपको “Signature Anthem” मानिन्छ र हरेक फुटबल सिजनमा गुञ्जने गर्छ।

• La La La (२०१४ – ब्राजिल विश्वकप)
  ब्राजिल २०१४ को फिफा विश्वकपको आधिकारिक एल्बममा समावेश गरिएको “La La La” गीतले फुटबलको वास्तविक जादु र ब्राजिलियन उत्सवको भावनालाई दुरुस्तै पर्दामा उतार्यो।

फुटबल खेलाडीहरूलाई समेत फिचर गरिएको यो गीत एक ऊर्जावान् ट्र्याक थियो। शकिराले ब्राजिलको ऐतिहासिक माराकाना रंगशालामा भएको समापन समारोहमा दमदार प्रस्तुति दिँदै विश्वकपमा आफ्नो बलियो उपस्थिति निरन्तर राखिन्।

• Dai Dai (२०२६ – युएसए, मेक्सिको र क्यानडा विश्वकप)
  लामो पर्खाइपछि फिफा विश्वकप २०२६ मा शाकिराले फेरि एकपटक आधिकारिक गीत मार्फत कमब्याक गरेकी छिन्। नाइजेरियन कलाकार बर्न ब्वाई (Burna Boy) सँगको यो सहकार्य निकै दमदार सावित भएको छ।

यो गीतमा बहुभाषिक (Multi-language) र वैश्विक एकता (Global Unity) को बलियो भावना समेटिएको छ। गीत केवल मनोरञ्जनका लागि मात्र नभई एक परोपकारी उद्देश्यका साथ ल्याइएको हो, जसले विपन्न बालबालिकाहरूको शिक्षा कोष लाई सहयोग पुर्‍याउँछ।

किन शकिरा नै हुन् विश्वकपको खास ‘फेस’?
फुटबल र संगीतको क्षेत्रमा धेरै कलाकारहरू आए र गए, तर शकिराले बनाएको विरासत अतुलनीय छ। उनलाई विश्वकपको वास्तविक ‘फेस’ मानिनुका मुख्य कारणहरू निम्न छन्:

चार फरक दशक/संस्करणको प्रतिनिधित्व: उनी ४ वटा फरक-फरक विश्वकपका संस्करणहरूमा (२००६, २०१०, २०१४, र २०२६) संगीतको नेतृत्व गर्ने विश्वकै एक्लो र सबैभन्दा प्रभावशाली कलाकार हुन्।

शकिराका गीतहरूले भाषा, भूगोल र सीमाभन्दा माथि उठेर संसारभरका फुटबल प्रेमीहरूलाई एउटै सुत्रमा बाँध्ने काम गर्छन्। स्वयं फुटबलको सर्वोच्च निकाय (FIFA) ले पनि शकिरालाई विश्वकप इतिहासकै “Most Iconic World Cup Performer” को रूपमा स्वीकार गर्दै उच्च सम्मान दिने गरेको छ।