कुराकानी
कुराकानी । कुनै समय अनमोल के.सी. को क्रेज युवा पुस्तामाझ थेगिनसक्नुको थियो । उनलाई एक झलक हेर्न समेत मानिसहरु आँतुर थिए । पारिश्रमिक समेत सबैभन्दा धेरै उनैले लिएर फिल्महरु साइन गर्थे ।
यतिसम्म कि उनैलाई पर्खेर बर्षोंसम्म फिल्म रोकिएका छन् त कतिपय फिल्म उनले फिर्ता लिएकाले अन्योलमा परेका छन् ।
अनमोलले मंगलबार एक पोष्ट हाले । पोष्ट प्रर्दशनको तयारीमा रहेको फिल्म जेरी अन टपको पहिलो गीत कस्तुरी हटाइएको बारे थियो । यो पोष्ट उनको ब्लु टिक वाला फेसबुकबाट नभई अर्को प्रोफाईलबाट राखिएको छ जसको फलोअर्स एक लाख ३ हजार छन् ।
प्राविधिक त्रुटीका कारण एउटा गीत हाल्नुपर्नेमा अर्को पर्न गएकाले हटाइएको फिल्म निर्माण टोलीले बताएको छ ।
घटस्थापनाको दिन पारेर फिल्म जेरी अन टपको कस्तुरी बोलको गीत रिलिजको गरिएको थियो तर रिलिजको २४ घन्टा पनि नवित्दै युट्युबबाट हटाइएको थियो ।
यसबारे अनमोलले राखेको पोष्टमा ६ घण्टा बितिसक्दा जम्मा तीन ओटा कमेन्ट र ४ सय ७४ रियाक्सन छन् । एउटा सेयर छ त्यो पनि यसै फिल्मकी नायिका आँचल शर्माको ।
आँचलले सेयर गरेको पोष्टमा पनि जम्मा ३४ ओटा रियाक्सन मात्रै आएका छन् ।
लाख भन्दा माथी फलोअर्स भएका यि सेलिब्रेटीका सोसल मिडिया पेज । अनि फ्यान भने सय समेत नकटेको । छैन त गज्जव 😜
