कुराकानी। प्रधानमन्त्री वालेन्द्र शाहले सुदूरपश्चिम प्रदेशका सांसदहरूसँग प्रधानमन्त्री तथा मन्त्रिपरिषद्को कार्यालय, सिंहदरबारमा छलफल गरिरहनुभएको छ।

आज बिहान ११ बजेदेखि सुरु भएको छलफलमा समसामयिक राजनीतिक अवस्था, संघ–प्रदेश समन्वय र सुदूरपश्चिमसँग सम्बन्धित समसामयिक विषयमा कुराकानी भइरहेको प्रधानमन्त्रीको सचिवालयले जनाएको छ।

छलफलमा सांसदहरू ताराप्रसाद जोशी, खेमराज कोइराला, हरिमोहन भण्डारी, जनकसिंह धामी, ज्ञानेन्द्र महता, जगत जोशी, कोमल ज्ञवाली र केपी खनाल सहभागी छन्।

प्रधानमन्त्री शाहले प्रदेशका सांसदहरूको धारणा सुन्नुका साथै पछिल्लो राजनीतिक परिस्थिति र प्रदेशका प्राथमिकताबारे सुझाव लिइरहेको बताइएको छ। छलफल जारी रहेकाले थप विवरण आउन बाँकी छ।