कुराकानी। नेकपाका अध्यक्ष पुष्पकमल दाहाल ‘प्रचण्ड’ले सुनसरीमा भएको घटनामा प्रहरीले गोली चलाउनुपर्ने अवस्था नै थियो कि थिएन भन्दै सरकारसँग प्रश्न गरेका छन्। संसद बैठकमा बोल्दै प्रचण्डले नागरिकमाथि बल प्रयोग गर्नु अघि राज्यले धेरैपटक सोच्नुपर्ने बताए।

सुनसरी घटनालाई लिएर उनले सुरक्षा निकायले अपनाएको कदमको औचित्यमाथि प्रश्न उठाउँदै घटनाको सत्यतथ्य सार्वजनिक गर्नुपर्ने माग गरे। विरोध वा आन्दोलन नियन्त्रण गर्ने नाममा गोली चलाउनु अन्तिम विकल्प हुनुपर्ने उनको भनाइ थियो।

प्रचण्डले भने, “त्यहाँ गोली चलाउनै पर्ने अवस्था थियो ?” भन्दै राज्यले संयमता अपनाउनुपर्ने धारणा राखे। उनले घटनाको निष्पक्ष छानबिन गरी वास्तविकता बाहिर ल्याउनुपर्ने बताए।

संसद बैठकमा प्रचण्डले वर्तमान राजनीतिक अवस्था सहज नरहेको पनि उल्लेख गरे। उनले सरकारले जनताको अपेक्षाअनुसार काम गर्न नसकेको टिप्पणी गर्दै जनतामा देखिएको निराशालाई सम्बोधन गर्नुपर्ने बताए।

प्रधानमन्त्री बालेन्द्र शाहलाई लक्षित गर्दै प्रचण्डले नयाँ नेतृत्वले पुराना अनुभवबाट सिक्नुपर्ने बताए। आफू प्रधानमन्त्री हुँदा भएका कमजोरी र सिकाइबारे छलफल गर्न खोजेको भए सुझाव दिन सक्ने भन्दै उनले संवादको आवश्यकता औंल्याए।

उनको भनाइ थियो– नयाँ सरकारले विगतका सरकारहरू किन सफल हुन सकेनन् भन्ने विषयमा अध्ययन गर्नुपर्छ। अनुभव भएका राजनीतिक नेतृत्वसँग संवाद गरेर अघि बढ्दा सरकारलाई सहज हुने उनको तर्क थियो।

तर संसदमा प्रचण्डको मुख्य जोड भने सुनसरी घटनामै केन्द्रित थियो। उनले राज्य र नागरिकबीचको सम्बन्ध विश्वासमा आधारित हुनुपर्ने भन्दै सुरक्षा निकायको बल प्रयोगको समीक्षा आवश्यक रहेको बताए।