आइतबार भारत जाँदै प्रधानमन्त्री बालेन, मोदीसँग द्विपक्षीय वार्ता हुने

आइतबार भारत जाँदै प्रधानमन्त्री बालेन, मोदीसँग द्विपक्षीय वार्ता हुने

भ्रमणका क्रममा केही सम्पन्न परियोजनाको उद्घाटन तथा नयाँ परियोजनाको शिलान्यास गर्ने तयारीसमेत रहेको छ।

  • कुराकानी

  • शुक्रबार, मंसिर ५, २०८३

  • 2
    SHARES
आइतबार भारत जाँदै प्रधानमन्त्री बालेन, मोदीसँग द्विपक्षीय वार्ता हुने

कुराकानी। प्रधानमन्त्री बालेन्द्र शाह आइतबार भारतको राजकीय भ्रमणमा जाने भएका छन्। परराष्ट्र मन्त्रालयले शुक्रबार आयोजना गरेको प्रेस ब्रिफिङमार्फत भ्रमणको औपचारिक कार्यतालिका सार्वजनिक गरेको हो।

मन्त्रालयका अनुसार प्रधानमन्त्री शाह मंसिर ६ गते आइतबार दिउँसो १ बजेर ४५ मिनेटमा नेपाल वायुसेवा निगमको नियमित उडानमार्फत भारत प्रस्थान गर्नेछन्।

भ्रमण टोलीमा अर्थमन्त्री डा. स्वर्णिम वाग्ले, परराष्ट्रमन्त्री शिशिर खनाल, प्रधानमन्त्रीका मुख्य सल्लाहकार तथा राजनीतिक सल्लाहकारलगायत सहभागी हुनेछन्। त्यस्तै, निजी क्षेत्रबाट ५२ सदस्यीय टोली पनि आफ्नै खर्चमा भ्रमणमा सहभागी हुने जनाइएको छ।

भारत भ्रमणका क्रममा प्रधानमन्त्री शाहले मंसिर ७ गते भारतीय प्रधानमन्त्री नरेन्द्र मोदीसँग प्रतिनिधिमण्डलस्तरीय वार्ता गर्ने कार्यक्रम छ। वार्तामा दुई देशबीच सम्पर्क सञ्जाल विस्तार तथा ऊर्जा सहकार्यसँग सम्बन्धित विभिन्न परियोजनाबारे छलफल हुनेछ।

भ्रमणका क्रममा केही सम्पन्न परियोजनाको उद्घाटन तथा नयाँ परियोजनाको शिलान्यास गर्ने तयारीसमेत रहेको छ।

दुई दिने भारत भ्रमण सम्पन्न गरी प्रधानमन्त्री शाह सोमबार साँझ ६ बजेर ३५ मिनेटमा स्वदेश फर्कने कार्यक्रम रहेको परराष्ट्र मन्त्रालयले जनाएको छ।


सम्बन्धित समाचार
       © 2022 - 2026 to कुराकानी | Kurakani ,  All Rights Reserved.  Crafted by Bitcraft Technology