कुराकानी
कुराकानी । बलिउड अभिनेता संजय दत्त क्यासिनो उद्घाटन कार्यक्रममा सहभागी हुन बिहीबार साँझ काठमाडौं आइपुगेका छन्। उनी थमेलस्थित होटल बाराहीमा सञ्चालनमा आउन लागेको बादशाह क्यासिनोको उद्घाटन कार्यक्रममा आज राति सहभागी हुनेछन्।
लामो समयदेखि बलिउडमा सक्रिय संजय दत्तले थुप्रै सफल चलचित्रमा अभिनय गरेका छन्। नेपालमा पनि उनको उल्लेखनीय प्रशंसक वर्ग रहेको छ, जसका कारण उनको आगमनले व्यापक ध्यान तानेको छ।
होटलका अनुसार कार्यक्रमपछि दत्त शुक्रबार भारत फर्किनेछन्। यसैबीच, उक्त क्यासिनोले आगामी साता बलिउड अभिनेत्री सन्नी लियोनीलाई पनि नेपाल ल्याउने तयारी गरेको छ।
सम्बन्धित समाचार
