कुराकानी
कुराकानी। हिन्दु धर्मावलम्बीहरूको महान् पर्व बडादसैँअन्तर्गत विजयादशमीका अवसरमा राष्ट्रपति रामचन्द्र पौडेलले शीतल निवासस्थित राष्ट्रपति कार्यालयमा गुरु–पुरोहितबाट टीका, जमरा र आशीर्वाद ग्रहण गरेका छन्।
विजयादशमीमा मान्यजनबाट टीका, जमरा र आशीर्वाद ग्रहण गर्ने परम्पराअनुसार राष्ट्रपति पौडेलले टीका ग्रहण गरेका हुन्। उनले राष्ट्रपति कार्यालयमा नेपाली सेनाका सदस्यलाई समेत टीका र जमरा लगाइदिएका छन्।
असत्यमाथि सत्य र अन्यायमाथि न्यायको विजयको प्रतीकका रूपमा मनाइने विजयादशमीमा परिवार तथा आफन्तजनबीच टीका, जमरा र आशीर्वाद आदानप्रदान गर्ने चलन छ।
सम्बन्धित समाचार
