कुराकानी। प्रधानमन्त्री वालेन्द्र शाह (बालेन) प्रतिनिधिसभाको बैठकमा उपस्थित नभएको विरोधमा हर्क साम्पाङ ले संसद् बैठक बहिष्कार गरेका छन् ।

श्रम संस्कृति पार्टीका अध्यक्ष तथा संसदीय दलका नेता साम्पाङले आफूहरूले निरन्तर प्रधानमन्त्रीको जवाफ माग्दै आएको भए पनि उपस्थित नभएको भन्दै सभामुखको ध्यानाकर्षण गराएका थिए । यस क्रममा उनले डोल प्रसाद अर्याल सँग आपत्ति जनाएका हुन् ।

सभामुख अर्यालले यस विषयमा हिजो पनि छलफल भइसकेको जानकारी गराएका थिए । तर साम्पाङले प्रधानमन्त्री स्वयं बैठकमा उपस्थित भई जवाफ दिनुपर्ने अडान दोहोर्‍याए । अन्यथा आफूलाई बैठकबाट निकाल्नुपर्ने मागसमेत उनले राखे ।

प्रतिनिधिसभा नियमावलीको नियम १५ को उपनियम (२) अनुसार प्रधानमन्त्री तथा मन्त्रीले प्रतिनिधिसभामा उठेका प्रश्नको सात दिनभित्र जवाफ दिनुपर्ने व्यवस्था रहेको छ । तर उक्त व्यवस्था प्रधानमन्त्रीले पालना नगरेको साम्पाङको भनाइ थियो ।