अभिनेत्री निशा अधिकारीले आफ्ना पति पूर्व क्रिकेटर शरद भेषवाकरसँग सम्बन्धविच्छेद नगरी एक तिहाइ सम्पत्ति अंश पाउने फैसलापछि अएका नकारात्मक टिप्पणीको जवाफ दिएकी छन् ।
उनले सामाजिक सञ्जालमा लामाे स्ट्याटस लेख्दै सन्तानका लागि यस्तो कदम चाल्नुपरेको बताएकी हुन् ।
उनले यो मुद्दा बाहिर आएदेखि बिभिन्न टिका टिप्पणी र गाली पनि खादै आएको हुँदा, स्टयाटस लेख्नुपरेको प्रष्ट्याएकी छन् ।
बुँदागत रूपमा उनि लेख्छिन्, कानूनमा आमा र बुवा दुइटैको सबै कुरा भाग लाग्ने व्यवस्था छ, मैले किन कनूनी उपचार लिनु पर्यो भन्ने कुरा व्यक्तिगत हो ।
उनि अगाडी लेख्छिन्, छोराको बुवा र मैले एक अर्काबाट एक पैसा नलिने र हाम्रो भाग सबै बाबुको नाममा राख्ने निर्णय गरेर प्रकृया अगाडी बढेको हो, तसर्थ एक अर्काको धन सम्पत्तिमा दुबैको नजर छैन ।
छोरा र छोरीलाई बाराबर अंश दिने प्रावधान रहेको बताउँदै उनले कोबाट धेरै पाउँछ भन्ने कुरा पनि नितान्त व्यक्तिगत भएको बताएकी छन् ।
leave in peace गरेपछी Rest in peace हुने हो । मर्नु अगाडी मेरो एक मात्र सन्तान्को आर्थिक पाटाे सुल्झाउन पाएकोमा म ढुक्कसँग मर्न पकाउने मात्र होईन, यो कुरामा मलाई गर्व पनि छ, उनले लेखेकी छन् ।
उनले अगाडी लेखेकी छन्, समाजमा हानी नहुने गरि, आफ्नो सन्तानलाई राम्रो वातावराणमा हुर्काउन पाउनु सबै अभिभवकको कर्तव्य र स्वतन्त्रता पनि हो । यस बिषयमा धेरै कुराहरु गर्न सकिन्छ ।
उनले शरदप्रति कटाक्ष गर्दै लेखेकी छन्, अरुको जुत्ता नलगाएसम्म त्यो जुत्ताले दिने पिडाको हेक्का हुँदैन । त्यसैले कृपया आफ्ना बालबालिका र नातीनातीनाको भविश्यका लागी के के गर्नुपर्छ निर्धक्क भएर गरौं र गर्न दिउँ ।
निशाले पतिविरुद्ध हालेको अंश चलानको मुद्दामा काठमाडौँ जिल्ला अदालतले अंश दिलाउने फैसला सुनाएसँगै आएका प्रतिक्रियामा उनले यस्ताे जवाफ दिएकी हुन् ।
निशाले वि.सं. २०७९ साल भदौमा पतिसँग सम्बन्धविच्छेद नगरी छोरा युभान र आफ्नो अंश वापत शरदबाट तीन भागमा दुई भाग सम्पत्ति पाउनुपर्ने दाबी सहित मुद्दा दायर गरेकी थिइन् ।
न्यायाधीश शिशिर ढकालको एक इजलासले निशाको सो माग दाबीमा इन्कारी फैसला सुनाएको छ । फैसलामा निशा र युभानले एक–एक भाग पाउने उल्लेख छ । फैसलाअनुसार युभान साबालक नभएसम्म उनको अंशको संरक्षक बुबाआमा दुवै हुनेछन् ।
छोरा युभान आफ्नो एकल संरक्षणमा हुनुपर्ने निशाको माग थियो । तर अदालतले युभान दुवैको संरक्षणमा हुने फैसला सुनाएको छ ।
विभिन्न समयमा अदालतले शरदका नाममा रहेको चलअचल सम्पत्ति रोक्का गरेको थियो ।
निशाले अंश नपाउन्जेलसम्म माना चामल वापत शरदले ४१ हजार छुट्याउनुपर्ने फैसलामा उल्लेख छ । निशाले माना चामल वापत एक लाख रुपैयाँ पाउनुपर्ने दाबी गरेकी थिइन् ।
अदालत प्रशासनका अनुसार गत मंसिर २८ गते सो मुद्दाको फैसला भएको हो । मुद्दाको प्रमाणीकरण भने माघ १९ गते भएको पाइन्छ ।
निशाले दायर गरेको फिराद पत्रमा विवाह भएको केही समयपछि नै पतिसँग राम्रो सम्बन्ध नभएको उल्लेख छ । सोही समयदेखि शरद र निशा बेग्लै बस्दै आएका छन् ।
शरद र निशाले २०७४ साल जेठमा प्रेमसम्बन्धलाई विवाहमा परिणत गरेका थिए ।
