कुराकानी। एर्लिङ हाल्यान्डको उत्कृष्ट प्रदर्शनसँगै नर्वे विश्वकप २०२६ को क्वाटरफाइनलमा पुगेपछि युरोपभर नर्वेको राष्ट्रिय टोलीको जर्सीको माग एकाएक बढेको छ। बढ्दो मागका कारण आधिकारिक विक्रेतासँग रहेको अधिकांश जर्सी स्टक बिक्री भइसकेको छ।

ब्राजिललाई स्तब्ध पार्दै पहिलो पटक विश्वकपको क्वाटरफाइनलमा पुगेको नर्वेले फुटबल समर्थकमाझ नयाँ उत्साह सिर्जना गरेको छ। विशेषगरी हाल्यान्डको प्रदर्शनपछि नर्वेका समर्थक मात्र होइन, अन्य देशका फुटबल प्रेमीले पनि टोलीको जर्सी किन्न थालेका छन्।

नाइकीसहितका आधिकारिक विक्रेताले मागअनुसार जर्सी उपलब्ध गराउन नसक्दा धेरै साइज तत्कालका लागि ‘सोल्ड आउट’ भएका छन्। पुनः स्टक कहिले आउने भन्नेबारे भने स्पष्ट जानकारी दिइएको छैन।

विश्वकपमा सात गोल गरिसकेका हाल्यान्ड गोल्डेन बुटको दौडमा पनि शीर्ष प्रतिस्पर्धीमध्ये एक हुन्। नर्वेले अब क्वाटरफाइनलमा इंग्ल्यान्डसँग प्रतिस्पर्धा गर्ने तयारी गरिरहेको छ।