कुराकानी। विश्वकपको मैदानबाट सुरु भएको विवाद अब अदालतको ढोकासम्म पुग्ने देखिएको छ।

फ्रान्सका स्टार फुटबलर केलियन एमबाप्पे र पाराग्वेकी सिनेटर सेलेस्टे अमारिल्लाबीच आरोप–प्रत्यारोप झन् चर्किएको छ। एमबाप्पेविरुद्ध जातीय टिप्पणी गरेपछि आलोचनामा परेकी अमारिल्लाले अहिले भने एमबाप्पेविरुद्ध नै कानुनी कारबाही अघि बढाउने चेतावनी दिएकी छन्।

अमारिल्लाले एमबाप्पेले आफूलाई सार्वजनिक रूपमा अपमानजनक अभिव्यक्ति दिएको दाबी गर्दै सार्वजनिक माफी मागेकी छन्। माफी नआए मुद्दा दर्ता गर्ने उनको चेतावनी छ।

यसअघि विश्वकपमा फ्रान्स र पाराग्वेको खेलपछि अमारिल्लाको जातीय टिप्पणीले ठूलो विवाद निम्त्याएको थियो। त्यसपछि फ्रान्स फुटबल महासंघ (FFF) ले उनीविरुद्ध कानुनी उजुरी दिएको छ भने फ्रान्स र पाराग्वे दुवै सरकारले उक्त अभिव्यक्तिको आलोचना गरेका छन्। अब यो विवाद सामाजिक सञ्जालबाट अदालतसम्म पुग्ने हो वा होइन भन्नेमा सबैको नजर छ।